మోడల్ స్కూళ్లల్లో ప్రవేశాలకు నేడే ఆఖరు గడువు
– విద్యార్థులు త్వరపడాల్సిందే
హైదరాబాద్, దర్శిని ప్రతినిధి: తెలంగాణలోని మోడల్ స్కూళ్లల్లో 2021-22 విద్యాసంవత్సరంలో ఆరో తరగతిలో ప్రవేశాలకు, 7 తరగతి నుంచి పదో తరగతి వరకు ప్రవేశాల కోసం చేసుకోవాల్సిన దరఖాస్తు గడువు నేటితో ముగియనుంది. తెలంగాణలోని 194 మోడల్ స్కూళ్లలో 2022-23 విద్యాసంవత్సరానికి సంబంధించి సీట్ల భర్తీకి షెడ్యూల్ విడుదల చేసింది. రాష్ట్ర వ్యాప్తంగా ఉన్న ఈ 194 మోడల్ స్కూళ్లలో 6వ తరగతిలో 100 సీట్లలో ప్రవేశాలను నిర్వహించనున్నారు. దీంతో మొత్తం 19400 మంది విద్యార్థులకు ప్రవేశాలను నిర్వహించనున్నారు. ఇంకా వివిధ కారణాలతో 7-10 వ తరగతుల్లో ఖాళీగా ఉన్న సీట్లను కూడా ఈ నోటిఫికేషన్ ద్వారా భర్తీ చేస్తున్నారు.
అర్హత, ఆసక్తి కలిగిన విద్యార్థులు ధరఖస్తు చేసుకునేందుకు ఇవాళ్టితో ముగియనుంది. వెబ్ సైట్లో దరఖాస్తు చేసుకోవాల్సి ఉంటుంది. దరఖాస్తు సమయంలో అభ్యర్థులు రూ.150ను ఫీజుగా చెల్లించాల్సి ఉంటుంది. వికలాంగులు, బీసీ, ఎస్సీ, ఎస్టీ, ఈడబ్ల్యూఎస్ అభ్యర్థులకు ఫీజులో మినహాయింపు ఉంటుంది. వీళ్లు రూ.75 చెల్లిస్తే సరిపోతుంది. దరఖాస్తు చేసుకున్న అభ్యర్థులకు ప్రవేశ పరీక్ష నిర్వహించి అందులో అభ్యర్థులు సాధించిన ప్రతిభ ఆధారంగా ఎంపిక చేస్తారు.
దరఖాస్తులకు ఆఖరి తేదీ: మార్చి 15, 2022
హాల్ టికెట్ల డౌన్ లోడ్: 6వ తరగతి విద్యార్థులకు ఏప్రిల్ 17 నుంచి, 7-10 వ తరగతి విద్యార్థులకు ఏప్రిల్ 9 నుంచి హాల్టికెట్లు డౌన్లోడ్ చేసుకోవచ్చు.
ప్రవేశ పరీక్ష: 6వ తరగతి విద్యార్థులకు ఏప్రిల్ 17న, 7-10 తరగతుల వారికి ఏప్రిల్ 16న ప్రవేశ పరీక్ష నిర్వహించనున్నారు. ఎగ్జామ్ ఉదయం 10 నుంచి 12 గంటల వరకు ఉంటుంది.
ప్రవేశ పరీక్ష ఫలితాలు: మే 20, 2022.
స్కూళ్ల వారీగా అభ్యర్థుల ఎంపిక: మే 23, 2022.
ఎంపికైన విద్యార్థుల జాబితా ప్రదర్శన: మే 24, 2022.
సర్టిఫికేట్ల వెరిఫికేషన్: మే 24 నుంచి 31 వరకు ఉంటుంది.
క్లాసులు ప్రారంభం: ఏప్రిల్ 1, 2022
