ఎస్బీఐలో అకౌంట్ ఓపేన్ ఈజీ..!
– బ్యాంకుకు వెళ్లకుండానే ఖాతా తెరవచ్చు
– ఇన్స్టా ప్లస్ ద్వారా అవకాశం
– ఎలా తెరవాలి.. ఎవరు అర్హులంటే
దర్శిని డెస్క్: దేశంలోని అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (ఎస్బీఐ)లో సేవింగ్ అకౌంట్ తెరడం ఇప్పుడు చాలా ఈజీగా మారింది. ఖాతా తెరిచేందుకు బ్యాంకుకు పరుగులు తీయాల్సిన అవసరం లేకుండా పోయింది. ఆన్లైన్ ఖాతాను తెరవడం ద్వారా.. కస్టమర్లు తమ స్మార్ట్ఫోన్లో ఇంట్లో కూర్చొని అనేక బ్యాంకు సేవల ప్రయోజనాన్ని పొందవచ్చు. దీని కోసం, మీ బ్యాంకుకు వెళ్లే సమయం కూడా ఆదా అవుతుంది. ఎక్కడైనా ఉండి ఈ సదుపాయాన్ని పొందవచ్చు. కొత్తగా వచ్చిన సదుపాయంతో ఇప్పుడు బ్యాంకు బ్రాంచీకి వెళ్లకుండానే సేవింగ్ అకౌంట్ తెరుచుకోవచ్చు. అది కూడ మీరు ఉన్న చోటి నుంచే ఎప్పుడైనా ఆన్లైన్ ద్వారా ఓపెన్ చేయొచ్చు. ఇటీవల కాలం నుంచి ఎస్బీఐ ‘ఇన్స్టా ప్లస్’ సేవింగ్ ఖాతాను తెరిచే అవకాశాన్ని కల్పిస్తోంది. వీడియో కేవైసి ఆధారంగా ఈ ఖాతాను తెరవవచ్చు. అయితే, ఖాతాదారులు శాఖను సందర్శించకుండానే ఎస్బీఐ డిజిటల్ సేవింగ్స్ ఖాతాను తెరవవచ్చు. వీడియో కేవైసీ ద్వారా ఎస్బీఐ సేవింగ్స్ ఖాతాను ఎలా తెరవాలో ఇక్కడ తెలుసుకోండి.
ఎలా ఓపెన్ చేయాలంటే..
ఇన్స్టా ఖాతా ఓపెన్ చేయాలంటే వీడియో కేవైసీ పద్దతి పాటించాల్సి ఉంటుంది. ఖాతాదారుడి ఆధార్ కార్డు, పాన్ కార్డు అవసరం అవుతుంది. వీడియో కేవైసీ ద్వారా బ్యాంక్ సేవింగ్స్ ఖాతాను తెరవడానికి యోనో యాప్ను డౌన్లోడ్ చేయండి. ఇప్పుడు యాప్లో New to SBI ఆప్షన్ను ఎంచుకోండి. ఓపెన్ సేవింగ్స్ ఖాతాను ఎంచుకుని, ఆపై బ్రాంచ్ విజిట్ లేకుండా ఎంపికపై నొక్కండి. మీ పాన్, ఆధార్ కార్డ్ వివరాలను నమోదు చేయండి. మీ నంబర్కు వచ్చిన OTPని నమోదు చేయండి. అడిగిన అన్ని అవసరమైన వివరాలను పూరించండి. వీడియో కాల్ చేయండి. నిర్ణీత సమయంలో రెజ్యూమ్ ద్వారా YONO యాప్కి లాగిన్ చేయండి. వీడియో KYC ప్రక్రియను పూర్తి చేయండి. బ్యాంక్ అధికారులు ధృవీకరించిన తర్వాత, మీ Insta Plus సేవింగ్స్ ఖాతా తెరవబడుతుంది. డెబిట్ లావాదేవీల కోసం సక్రియం చేయబడుతుంది. ఇప్పుడు వినియోగదారులు యోనో యాప్ లేదా ఆన్లైన్ ఎస్బీఐ అంటే ఇంటర్నెట్ బ్యాంకింగ్ ద్వారా NEFT, IMPS, UPI, ఇతర పద్ధతుల ద్వారా నిధులను బదిలీ చేయగలుగుతారు. క్లాసిక్ రూపే కార్డ్ జారీ చేయబడుతుంది. వినియోగదారుడు కోరితే పాస్బుక్ జారీ చేయబడుతుంది. చెక్ బుక్ కోసం దరఖాస్తు చేసుకోవచ్చు.
ఎవరు అర్హులు అంటే : 18 ఏళ్లు పైబడిన, చదువుకున్న శాశ్వత నివాసితులు. కొత్త బ్యాంక్ కస్టమర్ ఎవరు..? లేదా ఎస్బీఐ సీఏఎఫ్ లేని వారు. ఈ సదుపాయం సింగిల్ మోడ్కు మాత్రమే అందుబాటులో ఉంది. ఆధార్ OTP ద్వారా సేవింగ్స్ తెరవని వ్యక్తులు. బ్యాంకులో అకౌంట్ యాక్టివ్గా ఉన్న వారు లేదా సీఏఎఫ్ ఉన్న కస్టమర్లు ఈ ఖాతాకు అర్హులు కారు.
