ఎగరాలనే.. ఆశతో..!
– రెక్కలు కట్టుకున్న బాలుడు
– చిట్టి ప్రయత్నానికి నేటిజన్లు ఫిదా
దర్శిని బ్యూరో : సాధారణంగా చిన్న పిల్లలు ఏదైనా చేస్తూ చూడ ముచ్చటగా ఉంటుంది.. ఎంత సేపైనా చూడబుద్దవుతోంది. పిల్లలు ఏదైనా చూస్తే అది చేయాలని చూస్తారు. కొందరు టీవీల్లో పాటలు విని పాట పడతారు. కొందరు డ్యాన్స్ చూసి డ్యాన్స్ చేస్తారు. అయితే ఓ బుడ్డోడికి ఆకాశంలోకి పక్షిలా ఎగరాలనే ఆశ కలిగింది. అంతే రెండు చేతులకు రెండు రెక్కలు కట్టుకున్నారు. ఎగరాలని చేసిన ప్రయత్నంలో నిజంగానే పక్షి లాగే ఎగిరాడా లేదా అనే వీడియో సోషల్ మీడియాలో వైరల్గా మారింది. ఈ వీడియోలో పేదవారు నివసించడానికి తాటి కొమ్మలతో గుడిసె వేసుకుంటూ ఉంటారు. అక్కడ ఓ పిల్లాడు తాటి కమ్మలను రెండు చేతులకు కట్టుకున్నాడు. ఆ కమ్మలతో గుడిసె పై నుంచి నేల పైకి దూకాలని అనుకున్నాడు. దూకుతున్నప్పుడు అతను పక్షిలా గాలిలో ఎగరాలనుకున్నాడు. అలా పై నుంచి కింద దూకాడు. ఈ వీడియోను ఐఏఎస్ అశ్విన్ శరణ్ తన అధికారిక ఖాతాలో పస్ట్ చేశారు. “ఇది ఆశ.. అది మిమ్మల్ని ఎగిరేలా చేస్తుంది” అని రాశారు. ఈ వీడియో అరుణాచల్ ప్రదేశ్ నుంచి వచ్చినట్లు తెలుస్తోంది. ప్రస్తుతం ఈ వీడియో ఇప్పుడు వైరల్ అయింది. బాలుడి ప్రయత్నానికి ఫిదా అయిన నెటిజన్లు చాలా మంది నువ్వు ఎగరగలవు..ఇది నీకు సాధ్యం కాకపోవచ్చు కానీ.. నువ్వు బాగా చదివి, డబ్బు సంపాదిస్తే విమానాల్లో ఎగరొచ్చు అని కామెంట్ చేశారు.
It’s the ‘HOPE’ that makes you fly.
Somewhere in Arunachal Pradesh. ❤️ pic.twitter.com/IJAI077UZV
— Awanish Sharan 🇮🇳 (@AwanishSharan) October 11, 2021
