డేరింగ్.. లేడీ.. బీట్ ఆఫీసర్..!
– 18 అడుగుల పామును ఈజీగా పట్టేసింది
– వైరల్ అయిన స్నేక్ క్యాచింగ్ వీడియో
దర్శిని డెస్క్ : విధి నిర్వహణలో ఓ లేడీ బీట్ ఆఫీసర్ డేరింగ్ను ప్రదర్శించింది. ఎదురుగా ఉన్న 18 అడుగుల కింగ్ కోబ్రా పామును ఎంతో చాకచక్యంగా బందించింది.
సాధారణంగా ఓ చిన్న పాము కన్పిస్తేనే మనం ఆమడ దూరం పరుగెత్తుతాము. నాగుపాము కనిపిస్తే.. భయంతో వెనక్కి తిరగకుండా అక్కడి నుంచి లగెత్తుతాము. అలాంటిది అందరిని భయపెట్టే కింగ్ కోబ్రాను ఓ లేడీ ఆఫీసర్ చాలా ఈజీగా పట్టేయడంతో సోషల్ మీడియాలో వైరల్గా మారింది. ఈ ఘటన కేరళలో చోటుచేసుకుంది.
తిరువనంతపురంలోని పెప్పరలో ఓ నివాస ప్రాంతాల నడుమ ఉన్న కాలువలో స్థానికులు కోబ్రాను గుర్తించి వెంటనే అటవీశాఖ అధికారులకు సమాచారమిచ్చారు. అక్కడికి చేరుకున్న పరుథిపల్లి రేంజ్ ఫారెస్ట్ బీట్ ఆఫీసర్ రోషిణి దాన్ని ఎంతో చాకచక్యంగా పట్టుకున్నారు. 18 అడుగుల పొడవున్న ఆ కింగ్ కోబ్రాను చాలా ప్రశాంతంగా ఓ కట్టె సాయంతో పట్టుకొని సంచిలో బంధించారు. స్థానికులు 18 అడుగుల కింగ్ కోబ్రాను లేడీ ఆఫీసర్ రోషిణి పడుతున్న దృశ్యాలను స్థానికులు వీడియో తీసి సోషల్ మీడియాలో పోస్ట్ చేశారు. దాంతో ఈ వీడియో నెట్టింట వైరల్ అయింది. ఆమె ధైర్యానికి నెటిజన్లు సెల్యూట్ చేస్తున్నారు. గతంలోనూ రోషిణి ఇలాగే 500లకు పైగా పాములను బంధించినట్లు తెలిసింది.
వీడియో కోసం కింద లింక్ను క్లిక్ చేయండి…
ఇదికూడా చదవండి…
