అంజీర్లో అద్బుత పోషకాలు..!
– ఎముకల బలానికి దోహదం
– ఎప్పుడు తినాలో తెలుసుకోవాలి
దర్శిని డెస్క్ : ఆరోగ్యానికి మేలు చేసే అంజీర్ పండ్లలో అద్బుతమైన పోషకాలు ఉన్నాయి. వీటినే అత్తిపండ్లు అని కూడా అంటారు. డైఫ్రూట్స్ రూపంలోనూ లభించే అంజీర్ మార్కెట్లో విరివిగా లభిస్తుంటాయి. తినడానికి రుచిగా ఉండడమే కాదు.. అద్భుతమైన పోషకాలు కూడా అంజీర్లో ఉన్నాయి. కాల్షియం, మెగ్నీషియం,ఫైబర్, యాంటీ ఆక్సిడెంట్లు ఇందులో పుష్కలంగా ఉంటాయి. ఈ పోషకాలు ఎముకలను బలపరిచేందుకు సహాయపడతాయి. ఈ పండ్లు తింటే ఆరోగ్యానికి ఎంతో మేలు జరుగుతుంది. అయితే, పోషకాల నిధిగా పిలిచే అంజీర్ ఎప్పుడు తినాలి అనే సందేహం చాలా మంది వ్యక్తం చేస్తుంటారు. దీనిని ఉదయం తినాలా.. లేదంటే సాయంత్రం తినాలో ఇప్పుడు తెలుసుకుందాం..
విటమిన్లు, ఖనిజాలతో మొత్తం ఆరోగ్యానికి అవసరమైన విటమిన్ ఎ, ఇ, కె, పొటాషియం, మెగ్నీషియం కలిగి ఉంటాయి. యాంటీ ఆక్సిడెంట్ గుణాలున్నాయి. అత్తిపండ్లలో యాంటీ ఆక్సిడెంట్లు పుష్కలంగా ఉంటాయి. ఇవి శరీరంలో ఆక్సీకరణ ఒత్తిడి, వాపును తగ్గిస్తుంది.
అంజీర్ తీపి రుచితో శరీరం శక్తి స్థాయిలను పెంచుతుంది. ఉదయం పూట అంజీర్ తినడం వల్ల దాని సహజ చక్కెరల కారణంగా త్వరగా శక్తిని పొందవచ్చు. జీర్ణక్రియకు సహాయపడుతుంది. ఉదయం పూట అంజీర్ తీసుకోవడం వల్ల జీర్ణవ్యవస్థను మెరుగుపరుస్తుంది.
గుండె ఆరోగ్యానికి కూడా అంజీర్ పండ్లు తీసుకోవడం వల్ల రక్తపోటు తగ్గుతుంది. గుండె జబ్బుల ప్రమాదం కూడా తగ్గుతుంది. ఎముకుల ఆరోగ్యానికి ఇందులోని కాల్షియం, ఫాస్పరస్ ఎముక సాంద్రతను పెంచుతుంది.
ఆకలిని నియంత్రిస్తుంది. రోజంతా అతిగా తినడం అలవాటు ఉన్నవారు అంజీర్ తీసుకోవడం వల్ల ఆకలిని తగ్గించుకోవచ్చు. రిలాక్సేషన్ కోసం.. అంజీర్ లో మెగ్నీషియం ఉంటుంది. ఇది సాయంత్రం తీసుకోవడం వల్ల కండరాలు విశ్రాంతిని పొందుతాయి.మంచి నిద్ర వస్తుంది.
బరువు ఎక్కువగా ఉండే వారు సాయంత్రం పూట అంజీర్ తీసుకుంటే బరువు తగ్గే అవకాశం ఉంటుంది. అంజీర్ పండ్లను తీసుకోవడం వల్ల ఫైబర్ పుష్కలంగా ఉంటుంది. జీర్ణ ఆరోగ్యాన్ని పెంచుతుంది. మలబద్దకాన్ని నివారిస్తుంది.
ఇదికూడా చదవండి…
