బీటెక్ పానీపూరీ వాలి..!
– స్టాల్ నడుపుతున్న యువతి
– అందుకు ఓ కారణం
– అభినందిస్తున్న నెటిజన్లు
దర్శిని డెస్క్: ఎంతో మంది చదువు తరువాత ఉద్యోగం చేయడంతో.. లేదా వారసత్వ వ్యాపారాలను కొనసాగించడం చేస్తుంటారు. మరికొందరు ఇష్టమైన రంగాల వైపు అడుగులు వేస్తుంటారు. ఇందులో రెండో కొవకు చెందిన అమ్మాయి కథనం ఇది. ఆమె బీటెక్ పూర్తి చేసింది. ఉద్యోగం వైపు మొగ్గుచూపకుండా తన ఆదర్శం వైపు అడుగులు వేసింది. చాలా మంది ఇష్టపడే పానీ పూరీలను ఆరోగ్యకరంగా అందించేందుకు స్టాల్ నడిపిస్తుంది. ఆమె చేసిన ఈ ప్రయత్నానికి పలువురు నెటిజన్లు అభినందిస్తున్నారు. హరియాణాలోని రోహ్తక్లో మహర్షి దయానంద్ యూనివర్సిటీలో కంప్యూటర్ సైన్స్లో బీటెక్ పూర్తి చేసిన తాప్సీ ఉపాధ్యాయ్.. సొంతంగా ఏదైనా వ్యాపారం చేయాలని నిర్ణయించుకున్నారు . ఇందులో భాగంగానే ఎయిర్ఫ్రైస్ పూరీలను తయారు చేసి వాటిని విక్రయించడం ప్రారంభించారు. యువ వ్యాపారవేత్తలలో 21 ఏళ్ల తాప్సీ ఉపాధ్యాయ్ కూడా తమ స్థానం నిలబెట్టుకున్నారు. బీటెక్ పానీ పూరీ వలీగా ప్రసిద్ధి చెందారు. ఉపాధ్యాయ్ బిటెక్లో గ్రాడ్యుయేషన్ పూర్తి చేసిన తర్వాత తన వ్యాపారాన్ని ప్రారంభించింది. ప్రజలకు ఆరోగ్యకరమైన ఆహారాన్ని అందించడమే ఆమె లక్ష్యం. అందుకే ఆమె పానీ పూరీ స్టాల్ కోసం ఆరోగ్యకరమైన పూరీలను సిద్ధం చేస్తుంది. ఆమె తన స్టాల్కి మరిన్ని స్ట్రీట్ ఫుడ్ ఆప్షన్లను జోడించి వాటిని ఆరోగ్యవంతంగా మార్చాలని కోరుకుంటుంది.
వైరల్ అయిన వీడియో
ఇటీవల, ఉపాధ్యాయ్ నటించిన ఇన్స్టాగ్రామ్ రీల్ వైరల్ అయ్యింది. @are_you_hungry007 అనే ఇన్స్టాగ్రామ్ పేజీ ద్వారా వీడియో షేర్ చేయబడింది. క్లిప్లో ఉపాధ్యాయ్ తన స్టాల్ని ప్రారంభించిన స్టాల్లో ఆమె అందిస్తున్న ఆహారం గురించి వివరిస్తున్నారు. 21 ఏండ్ల తాప్సి ఉపాధ్యాయ్ బీటెక్ పానీపూరి వాలిగా పేరొందిన తీరును ఆర్ యూ హంగ్రీ అనే ఇన్స్టాగ్రాం పేజ్ నెటిజన్లను కట్టిపడేస్తుంది. ఈ క్లిప్ ఆన్లైన్లో షేర్ చేసినప్పటి నుంచి ఇప్పటివరకూ 50 లక్షల వ్యూస్ రాబట్టింది. మహిళగా తాను ఎదుర్కొనే పోరాటాలను కూడా ఆమె ప్రస్తావించారు. చదువు పూర్తయ్యాక పానీ పూరీలు ఎందుకు అమ్ముతున్నావని చాలా మంది తనను అడిగేవారని, ఓ మహిళ వీధిలో ఉండడం సురక్షితం కాదని కొందరు తనను ఇంటికి వెళ్లమని కూడా సలహా ఇచ్చారని కూడా ఆమె చెప్పింది. ఈ వీడియోను చూసిన నెటిజన్లు ఆమె కృషిని ప్రశంసిస్తూ కామెంట్లు పెడుతున్నారు. సూపర్ గర్ల్.. అలా కొనసాగించు.. ఆశీస్సులు ఉంటాయి అని ఒక నెటిజన్ కామెంట్ చేయగా.. ‘గట్టి పిల్ల. ఆ భగవంతుడు నీకు మరింత విజయం చేకూర్చాలని ఆకాంక్షిస్తూ మరో వ్యక్తి ఆకాంక్షించారు. ఇంకో నెటిజన్ అయితే ‘గ్రేట్ జాబ్ సిస్టర్.. ఐ సెల్యూట్ యూ’’ అని కామెంట్ పెడుతూ ప్రశంసలు కురిపించారు.
