ఆన్లైన్ మోసాలకు ఆన్లైన్లోనే ఫిర్యాదు..!
– సైబర్ క్రైమ్ పోర్టల్ ప్రారంభించిన భారత ప్రభుత్వం
– ఎలా ఫిర్యాదు చేయాలంటే..?
దర్శిని డెస్క్: డిజిటల్ వ్యవస్థ అందుబాటులోకి వచ్చిన తరువాల ఆన్లైన్ మోసాలు పెరిగిపోతున్నాయి. కరెంటు బిల్లు, రైలు, ఫ్లైట్ టికెట్ బుక్ చేసుకోవడంతో పాటు చిన్న చిన్న వస్తువుల కొనుగోళ్లపై ఆన్లైన్ పేమెంట్ని సాధారణమైపోయింది. ఆన్లైన్ చెల్లింపులు, వినియోగారులన అవసరాలను ఆసరాగా చేసుకుని సైబర్ నేరగాల్లో మోసాలకు పాల్పడుతున్నారు. ఈ మోసాలతో ఎందరో బాధితులు అవుతున్నారు. అయితే ఇప్పుడు ఆన్లైన్ మోసాలకు ఆన్లైన్లోనే ఫిర్యాదు చేసే వెసులుబాటు అందుబాటులోకి వచ్చింది. సైబర్ క్రైమ్ను నిరోధించడానికి, భారత ప్రభుత్వం సైబర్ క్రైమ్ పోర్టల్ను ప్రారంభించింది. అయితే మనకు సమస్య వచ్చినప్పుడు ఎలా ఫిర్యాదు చేయాలి..? ఎంత సమయంలోగా చేయాలి..? సైబర్ క్రైమ్ పోర్టల్లో మనకు జరిగిన సైబర్ క్రైమ్ను నివేదించవచ్చు.. అంతేకాదు నేరానికి వ్యతిరేకంగా అభిప్రాయాలను కూడ తెలియజేయవచ్చు. ఈ వ్యవస్థను ఎలా వినియోగించుకోవాలో ఇక్కడ తెలుసుకుందాం రండి.
ఎలా ఫిర్యాదు చేయాలంటే..?
ముందుగా సైబర్ క్రైమ్ పోర్టల్కు వెళ్లి.. ఫిర్యాదును నమోదు చేసుకోవాలి. ఆ తరువాత హోమ్ పేజీలో క్రిందికి స్క్రోల్ చేయండి.. క్రిందికి వెళ్లండి. ఇక్కడ ఉండే ఒక బాక్స్లో మీరు సైబర్ క్రైమ్ గురించి తెలుసుకోవచ్చు. అక్కడ ఫిర్యాదును ఫైల్ చేయండి అనే 2 ఎంపికలను చూస్తారు. ఫైల్ ఎ ఫిర్యాదుపై క్లిక్ చేయండి. ఆ తర్వాత నేను అంగీకరిస్తున్నాను క్లిక్ చేయండి. ఇలా చేసిన తర్వాత మీ ముందు కొత్త విండో ఓపెన్ అవుతుంది. ఇందులో రిపోర్ట్ అదర్ సైబర్ క్రైమ్ బటన్ పై క్లిక్ చేయండి.
మీరు ఇప్పటికే పోర్టల్లో నమోదు చేసుకోకుంటే.. కొత్త వినియోగదారు కోసం ఇక్కడ క్లిక్ చేయండి. రాష్ట్రం, ఇమెయిల్ ఐడి, మొబైల్ నంబర్ మొదలైన అన్ని వివరాలను ఇక్కడ నమోదు చేయండి. దీని తర్వాత, నంబర్పై OTPని నమోదు చేసి, పోస్ట్పై క్లిక్ చేయండి. దీని తర్వాత మీరు ఫారమ్లో మొత్తం సమాచారాన్ని పూరించమని అడగబడతారు. ఫారమ్లో 4 భాగాలు ఉంటాయి. ఇందులో సంఘటన వివరాలు, అనుమానిత వివరాలు, ఫిర్యాదు వివరాలను నమోదు చేయండి. సంఘటనల వివరాలు అంటే సంఘటన వివరాల విభాగంలో అడిగిన అన్ని విషయాలను పూరించండి. ఆ తర్వాత సేవ్, తదుపరి క్లిక్ చేయండి. అదేవిధంగా అన్ని వివరాలను పూరించండి. చివరగా నిర్ధారించండి. సమర్పించండి బటన్పై క్లిక్ చేయండి. ఫిర్యాదు నమోదు చేసిన తర్వాత మీరు ఫిర్యాదు PDF ఫైల్ను కూడా డౌన్లోడ్ చేసుకోవచ్చు.
ఫిర్యాదును ట్రాకింగ్ కూడ చేసుకోవచ్చు
సైబర్ పోర్టల్లో బాధితులు చేసిన ఫిర్యాదును ట్రాకింగ్ చేసే అవకాశం కూడ ఉంది. ఫిర్యాదును ట్రాక్ చేయాలనుకుంటే హోమ్ పేజీలో ఇచ్చిన ట్రాక్ మీ ఫిర్యాదు ఎంపికపై క్లిక్ చేయండి. ఇందులో పూర్తి వివరాలను నమోదు చేసి పోస్ట్ చేయాల్సి ఉంటుంది. ఇప్పుడు మీరు మీ ఫిర్యాదు స్థితి ఏంటో చూడవచ్చు. అయితే ఇక్క రాష్ట్రాల వారిగా కొన్ని మార్పులు ఉంటాయనే విషయాలను అందరు గుర్తించుకోవాలి.
